OKUKUNGA BAYIZI MU MATTENDEKERO AGAWAGGULU OKWETABA MU #MissTourismBuganda2026 KUTONGOZEDDWA

Apr 01, 2026 103 Views

Mubutongole olwaleero Obwakabaka bwa Buganda nga buyita mu kitongole ky'ebyobulambuzi ki Buganda Heritage and Tourism Board butongoza enteekateeka y'okukunga abaana abawala n'abalenzi mu mattendekero agawaggulu okwetaba mu okuvuganya ku mpaka za Nnalulungi w'Ebyolambuzi Buganda 2026. Ssenkulu wa BHTB Omukungu Nsubuga Najib Ssekikubo bwabadde atongoza enteekateeka eno akunze abaana abaganda abawala n'abalenzi naddala mu kibiina kya Nkobazambogo mu mattendekero ag'okuvayo n'obuvumu okuvuganya ku ngule eno okusobola okwolesa obwagazi bwabwe eri Obwakabaka bwabwe okuyita mu by'obulambuzi. Ssenkulu abajjukiza nti Ssaabasajja Kabaka omulembe yagukwasa Bavubuka bwatyo nabasaba obutakiriza mukisa nga guno kubayita. Abasabye okumanya amasaza gyebasibuka bagende bavuganye eyo olwo bajje bakikirire amasaza gabwe ku mutenderera gwa #MissTourismBuganda2026. Ye Ssentebe wa Nkobazambogo mu nsi yonna Mw. Moses Semujju yeyamye nga Ssentebe ku lwa bane bonna okukunga abayizi okwetaba mu nteekateeka eno era asubiza nti bwe kataligirya nga ali wamu ne bannankobazambogo bonna bagenda kuwangula #MissTourismBuganda2026 . Wano wasabidde abagala bonna okutwala omukisa guno nga ekintu ekikulu kubanga omukisa bwegutti si mwangi gwa kusanga. Ssentebe w'olukiiko oluteekateeka Nnalulungi w'Ebyolambuzi mu Buganda Mw. Kyagulanyi Shafik mu bubaka bwe alambise ku nti enteekateeka eno egenda kutambula mu mattendekero gonna mu Buganda era nga egenda kukomekerezebwa nga ennaku z'omwezi 10/04/2026 ne Nkozi University. ABAYIZI basanyukidde nnyo enteekateeka eno era ne balaga okusiima kwabwe eri ekitongole kya BHTB okubasosowaza bwebatyo, era basubiza okujja mu bungi okwetaba munteekateeka eno aye era n'okuvayo okuwagira bannabwe bonna. #MissTourismBuganda2026 #BugandaYiyo_BugandaYange